រឿងរ៉ាវដែលទាក់ទិនទៅនឹងក្រុមសម្តែងរឿង ទុំទាវ២០២១ ត្រូវបានមហាជននាំគ្នារិះគន់យ៉ាងចាស់ដៃបន្ទាប់ពីពួកគេសម្តែងប្រកបដោយលក្ខណៈប្រមាថចំពោះវប្បធម៌ ប្រពៃណី ក៏ដូចជាសាសនាផងដែរ។
យ៉ាងណាមិញនៅព្រឹកថ្ងៃទី១០ ខែកុម្ភៈ ឆ្នាំ២០២១ នេះគឺជាថ្ងៃដែលក្រសួងកំណត់ថ្ងៃកោះអញ្ជើញឲ្យក្រុមសម្តែងខាងលើចូលទៅបំភ្លឺផងដែរ ខណៈដែលការបំភ្លឺនោះក្រសួងតម្រូវឲ្យក្រុមសម្តែងនេះត្រូវធ្វើកិច្ចសន្យាប៉ុន្មានចំណុចដើម្បីកុំឲ្យពួកគេប្រព្រឹត្តិទង្វើបែបនេះ។
បន្ទាប់ពីធ្វើកិច្ចសន្យានេះរួចស្រាប់តែកញ្ញា អាជី បានបង្ហោះសារបែបនេះថា៖ «ថ្ងៃនេះនាងខ្ញុំអាជីសូមសសេរstatus ជាលេីកចុះក្រោយ
ហេីយក៏សូមសន្យាថានឹងមិនសសេរវាទៀតទេមនុស្សដូចខ្ញុំធ្លាប់ឆ្លងកាត់កាឈឺចាប់មកជាច្រេីនលេីកច្រេីនសាររហូតដល់ពេលខ្លះខ្ញុំខ្លាចមនុស្សជុំវិញខ្លួន
តែខ្ញុំមិនដែរស្អប់រឺគុំគួននឹងនាក់ណាទេតែអ្វីដែរខ្ញុំចង់យាយថ្ងៃនេះខ្ញុំចង់ប្រាប់ថាសំរាប់មនុស្សដែរខ្ញុំស្រលាញ់ទោះជាគេខុសយ៉ាងណាក៏ដោយ
ទោះគេមិនល្អគ្រប់យ៉ាង ដូចនាក់ដទៃ ទោះគេកេីតអីក៏ខ្ញុំមិនដែរស្អប់រឺខ្ពេីមគេម្ដងណាឡេីយតែអ្វីដែរខ្ញុំចង់បាន2គេគឺភាពយកចិត្តទុកដាក់មកលេីខ្ញុំ
ចេះបារម្មណ៍2ខ្ញុំហេីយមិនទុកខ្ញុំចោលអោយឯកកោទៅបានហេីយនេះជាកាសសេរstatusលេីកចុងក្រោយហេីយអរគុណពិភពលោកទាំងមូលដែរបង្កេីតខ្ញុំមកអោយស្គាល់គ្រប់រស់ជាតិនយ័ជីវិត»។
ពាក់ព័ន្ធនឹងករណីនេះផងដែរ លោក ផែង វណ្ណៈ ក៏បានធ្វើការបង្ហោះសារផងដែរ ដោយមានខ្លឹមសារទាំងស្រុងថា៖ «ចំប៉ីខ្មៅជាកូនកសិករក្រីក្រ និយាយខុសត្រូវចាប់បញ្ជូនទៅដាក់ពន្ធនាគារ ។
ចំណែកក្រុម និពន្ធ និង ដឹកនាំសំដែង រឿងទុំទាវបំភ្លៃអក្សរសិល្ប៍ខ្មែរ បំ ផ្លា ញសាសនា តែគេមានលុយ ឪពុកគេពាក់ផ្កាយ ៣ មានមន្ត្រីរត់ការឆ្វេចឆ្វាច ត្រឹមតែសុំទោស និង ធ្វើកិច្ចសន្យា ត្រលប់ទៅផ្ទះវិញ ។
អរគុណក្រសួង វប្បធម៌ និង វិចិត្រ សិល្បៈ ដែលបានខិតខំធ្វើការអោយមហាជនមេីលឃេីញកាន់តែច្បាស់ថា កម្ពុជាច្បាប់មានស្តង់ដារ ២ ។
មានលុយ មានបុណ្យស័ក្ដិ ធ្វើខុសយ៉ាងណាក៏គ្មានទោសដែរ ។ ចំណែកអ្នកក្រីក្រ អត់លុយ អត់បុណ្យស័ក្ដិ សូម្បីតែញញឹមក៏គេថាខុសដែរ។»
ជាងនេះទៅទៀត មានគណនីហ្វេសបុករបស់ស្រីស្អាតម្នាក់ដែលបានអះអាងថាខ្លួនគឺជាអតីតនិស្សិតផ្នែកច្បាប់ម្នាក់ក៏បានធ្វើការបង្ហោះនូវសារយ៉ាងវែងអន្លាយផងដែរ ពាក់ព័ន្ធនឹងបញ្ហានេះ ដោយនាងបានលើកឡើងថា៖
«ខ្ញុំជាអតីតនិស្សិតច្បាប់ ខ្ញុំស្រឡាញ់មុខវិជ្ជានេះខ្លាំងណាស់ ពេលកំពុងរៀនខ្ញុំយល់ថាខ្លឹមសារនិងទ្រឹស្ដីនៃច្បាប់គឺយុត្តិធម៌ មុឺងម៉ាត់ដែលមនុស្សរាល់គ្នាត្រូវគោរព និងខ្លាចរអាក្នុងការប្រព្រឹត្តបទល្មើ សនានា ។
បទល្មើ សនីមួយៗត្រូវជា ប់ព ន្ធធនាគារ តិច ឬមួយជីវិតក៏មាន(លើកលែងតែបទល្មើ សរដ្ឋ ប្បវេ ណី) ហើយត្រូវពិន័យជាប្រា ក់ទៀត។
ឆ្នាំទី០២ខ្ញុំចូលបម្រើការងារជាជំនួយការមេធាវី ខ្ញុំក៏ចាប់ផ្ដើមដឹ ងតិចៗថា អូ ការពិត ទ្រឹស្ដី និងតថភាពពិតគឺមិនដូចគ្នាទេ តែក៏នៅគិតថាវាមិនទាំងស្រុងទេ ។
ការរស់នៅក្នុងសង្គមយូរៗ ប្រឡូកក្នុងការងារយូរៗ ជួបរឿងជាក់ស្ដែងយូរៗ វាក៏បានឆ្លុះបញ្ចាំងថា ទ្រឹស្ដី និងទោ សទ ណ្ឌដែលមានចែងក្នុងក្រមព្រហ្មទណ្ឌគឺវាមានលក្ខណះផ្ទុយស្រឡះគ្នាច្រើន( ទោ សទ ណ្ឌខ្លះវាបែ ងចែ ករវាងអ្នកមាននិងអ្នកក្រ រវាងអ្នកធំ និងអ្នកតូច ) ដោយធាតុពិតនៅក្នុងក្រមមិនបានបែងចែងទេ ។
តួយ៉ាងក្នុងករណីនេះតើសក្ដិសមទេដែលក្រុមនេះសម្តែងរឿងក្រោមរូបភាពអា ស អា ភា ស ជា ន់ឈ្លីប្រពៃណីខ្មែរ បំពានរឿងដើម ប្រ មា ថតម្លៃព្រះពុទ្ធសាសនា ដែលជាសាសនារបស់រដ្ឋ
ពិសេសគឺល្មើ សក្នុងបទល្មើ សព្រ ហ្មទ ណ្ឌទៅទៀត តែលទ្ធផលគឺ ធ្វើកិច្ចសន្យាហើយក៏អោយរួចខ្លួន ។ ខ្ញុំមិនភ្លេចទេករណីចំបុីខ្មៅប្រ មា ថពូជខ្មែរលទ្ធផលចំបុីខ្មៅគឺជា ប់គុ ក ។ តើនេះមកពីចំបុីខ្មៅក្រ ហើយគ្មានខ្សែមែនទេ ?
ណ្ហើយ នេះគ្រាន់តែជាការឆ្ងល់ និងជាទស្សនៈប៉ុណ្ណោះ ហើយរឿងខ្លះក៏សុំមិននិយាយច្រើនដែរ។ បើមិនសមរម្យត្រង់ចំនុចណាក៏សូមអធ្យាស្រ័យដល់នាងខ្ញុំផងព្រោះនេះគ្រាន់តែជាការបង្ហាញអារម្មណ៍ និងមតិតិចតួចដោយមិនមានចេតនាវា យប្រ ហារលើស្ថាប័នណាមួយឡើយ
ពាក៉ព័ន្ធនឹងបញ្ហានេះផងដែរ ឯកឧត្តម ហ៊ុន ជា ក៏បានចេញមកធ្វើការបញ្ចេញមតីមួយចំនួនផងដែរ ដោយក្នុងនោះឯកឧត្តមបានលើកឡើងថា៖
«រឿងទុំទាវ2021 ជាប្រធានបទដ៏ក្ដៅដូចទឹកកំពុងពុះ ដើម្បីរកយុត្តិធម៌ដល់ជាតិសាសន៍ដូចគ្នា នោះយើងត្រូវតែមានតម្លាភាពជាមួយគ្នា។
ខ្ញុំសុំស្នើក្រសួងវប្បធម៌កោះហៅបុគ្គលដែលបានយករឿងទុំទាវមកបំ ផ្លា ញ នាំអោយប៉ះពាល់ដល់ព្រះពុទ្ធសាសនា និងអក្សរសាស្ត្រខ្មែរ យកទៅចាត់ការតាមនិតិវិធីនៃច្បាប់ឡើងវិញ
ដើម្បីបំពេញបំណងនិងរកយុត្តិធម៌ដល់ជនរងគ្រោះនិងជនរួមជាតិខ្មែរទាំងអស់អោយមានភាពស្មើគ្នា
🙏🏻❤️🙏🏻❤️🙏🏻
កុំអោយរាស្រ្ដគិត ថាវាខុសគ្នាត្រង់ណា ? 🤣🤣🤣🤭🤫💵🙈💵🙈💵🙈 ពីខ្ញុំបងជា Pls Share & comment 🙏🏻❤️🇰🇭❤️🕊❤️=»
លោកឧត្ដមសេនីយ៍ឯក ហ៊ុន ជា បានបន្តស្នើឲ្យក្រសួងពាក់ព័ន្ធ មេត្តាត្រួតពិនិត្យនូវកំហុសឆ្គង ដែលមានចេតនាគ្រោងទុកនេះឡើងវិញ
ចំពោះរឿងទុំទាវ២០២១ ដើម្បីកុំឲ្យរាស្រ្តគិតថា ច្បាប់លំអៀង ហើយច្បាប់អនុវត្ត គឺមានសំរាប់អ្នកក្រ និងអ្នកមាន ។
តាមរយៈបណ្ដាញសង្គមហ្វេសប៊ុក នៅថ្ងៃទី១២ កុម្ភៈនេះ ឧត្ដមសេនីយ៍ឯក ហ៊ុន ជា បានសរសេរថា៖ «មិនថាខមិន រឺឆាតមកផ្ទាល់ដល់រូបខ្ញុំ
គឺសឹងតែ 99% ដែលចង់អោយមានភាពស្មើគ្នាចំពោះមុខច្បាប់ ហើយមិនមែន ដុតអោយខ្លោច រោលអោយឆៅនោះទេ គ្រាន់តែចង់អោយមានយុត្តិធម៍ដល់ខ្មែរគ្រប់គ្នា។
ក្នុងនាមខ្ញុំក៏ជាប្រជាជនខ្មែរមួយរូបដែរ សុំសំណូមពរ និងសង្ឃឹមយ៉ាងមុតមាំថា ក្រសួងដែលមានសមត្ថភាព ពាក់ព័ន្ធក្នុងរឿងទុំទាវ2021 ដែលអាចមាន:
1. ក្រសួងព័ត៍មាន, 2. ក្រសួងវប្បធម៍ និងវិចិត្រសិល្បៈ, 3. ក្រសួងធម្មការ និងសាសនា, 4. ក្រសួងអប់រំ មេត្តាត្រួតពិនិត្យឡើងវិញ នូវកំហុសឆ្គងដែលមានចេតនា
គ្រោងទុកនេះឡើងវិញ ពោលគឺកុំអោយរាស្រ្តគិតថា ច្បាប់លំអៀង ហើយច្បាប់អនុវត្ត គឺមានសំរាប់អ្នកក្រ និងអ្នកមាន ។ មន្រ្ដីធ្វើ រាស្រ្តរងចាំមើល»
