អ្នកមីង ញឹម សុខា ដែលបងប្អូនធ្លាប់បានស្គាល់ថា អ្នកមីងតែងតែសម្តែងជាតួអង្គម្តាយនៅក្នុងខ្សែភាពយន្តនោះ កាលពីពេលថ្មីៗនៅក្នុងការផ្តល់បទសម្ភាសន៍មួយ
នៅក្នុងនាទី សិល្បករកម្ពុជា អ្នកមីង បាននិយាយដោយលើកយកបញ្ហាជីវភាព គួបផ្សំនិងបញ្ហាកូនធម៌ ដោយអ្នកមីងបាននិយាយយ៉ាងដូច្នេះថា ៖
«យើងមានឈ្មោះ ជាម៉ែធម៌មែន តែបើយើងមិនចេញទៅរកបានអីហូប។» អ្នកមីងក៏បន្ថែមសេចក្តីបន្តយ៉ាងដូច្នេះថា កាលដែលអ្នកមីងមកផ្តល់បទសម្ភាសន៍នេះ
អ្នកមីងមានបំណងស្នើសុំឲ្យមហាជនឈប់យល់ច្រលំថាអ្នកមីង ជាអ្នកមានបាន ដោយសារតែកូនធម៌ មិនត្រឹមតែប៉ុណ្ណោះអ្នកមីងនិយាយលាយឡំដោយទឹកភ្នែកថា
នៅពេលគេនិយាយថា អ្នកមីងតាំងតែពីពេលដែលមានកូនធម៌ជាអ្នកមានមក ស្រាប់តែផលិករនានាមិនដែលសូវហៅអ្នកមីងថតកុនដូចពីមុនឡើយ
ម្យ៉ាងវិញទៀតមហាជនមើលមកកាន់អ្នកមីងជាអ្នកមានទ្រព្យ មានផ្ទះល្វែង ក្លាយជាអ្នកមានដោយសារតែកូនធម៌។
គួររំលឹកផងដែរថា លោកជំទាវ ស្រីអូន សម្រស់ធម្មជាតិ ដែលមហាជនបានស្គាល់ថា លោកជំទាវជាបុគ្គលម្នាក់ដែលមានទឹកចិត្តមនុស្សធម៌ តែងតែជួយជនទីទាល់ក្រ ពិសេសអ្នករងគ្រោះ និងជនខ្វះទីពឹងនានា
ហើយកាលពីពេលថ្មីៗនេះលោកជំទាវ ក៏បានទទួលយកអ្នក មីង សុខា ជាម្តាយធម៌ តែស្រាប់តែពីម្សិលមិញនេះ វីដេអូដែលចេញដោយនាទីសិល្បករកម្ពុជា បានបង្ហោះថា
លោកជំទាវ មិនបានជួយម្តាយធម៌ទៅវិញ ដែលហេតុការណ៍នេះ ក៏ធ្វើឲ្យផ្ទុះការរិះគន់យ៉ាងខ្លាំងនៅលើបណ្តាញសង្គមផងដែរ៕
